Latte Ching: 童話式的「皇家奇想曲」英式下午茶

好夢幻呀, 今日同朋友去咗上環品嚐咗一個充滿童話式的「皇家奇想曲」英式下午茶, 原來呢個係ALL DAY AFTERNOON TEA, 我地夜晚去都有得叫。呢間DK Cuppa Tea 又係餐廳又係一個賣香薰油產品的地方叫DK Aromatherapy ,

我地四個人叫了兩SETS「皇家奇想曲」英式下午茶, 每人$298, 聽店員講做到2月28日咋。因呢間餐廳會在不同時期出不同theme的tea set,

全枱好英倫式的感覺, 以bear bear為主題, 好像帶大家進入一個童話世界, 枱上有音樂盒及會轉動的熊仔, 連食物上咗枱都不自覺只對著熊仔狂影相, 一開始先玩個magic card遊戲, 由老闆親自設計, 好似塔羅牌咁, 仲會配合埋香薰油一齊, 可助你更relax架,

玩完card, 又影完一輪擺設, 終於到食物喇, 首先係熱盤, 鹹點：英式肉醬肉丸薯蓉, 肉丸好入味, 茄醬夾薯蓉,

; 仲有名貴的法國鵝肝餅乾, 脆口 ; 有兩款口感不同的芝士拼盤, 一軟一硬滿足不同口感配埋沙樂美腸, 好夾喎; 還有指定菜色- 英式鬆餅配果醬, 配一樽仔果醬, 鮮甜鬆化,

之後就到戲肉, 甜點喇, 有熱辣辣的玫瑰朱古力心太軟, 勁濃的玫瑰香味加少少果醬, 心太軟蛋糕軟綿綿的, 入口即溶; 還有我最喜愛的英倫風, 成支英國旗的榛子馬卡龍, 不會太甜, 香甜榛子;仲有皇室熊仔同皇冠黑朱古力, 真係唔捨得食, 倒模細緻, 好似個擺設咁仔細; 最後還有新穎的配搭, 皇冠黑松露芝士蛋糕, 好香黑松露味, 估唔到咁有驚喜。

最後當然唔少得個花香熱茶, organic Tea~Rose Soothing Love, 好香lavender香味。

食完還可到店選購香薰油產品, 又玩食又shopping, 一次過滿足3個願望喎, 太奇妙喇。